ان ضحكنا ضحكنا مثل الاطفال
وان بكينا مثل شايب حمولة
ياحلو ضحكنا والحزن قتال
والفراق اقشر الله لايقولة
صاحبي بيع ليل الحزن بريال
واخذ جرحي مع البيعة عمولة
ما لك الا الرضى ياضايق البال
وماورى كسرة الخاطر بطولة
مر شهر رمضان ومر شوال ..
والوطن ضاق بي عرضه وطولة
دمعةٍ وقفت في عين رجال
والبكى عيب في سلم الرجولة
صاحبي»صاح بي»جرحي ولاقال
وش سبب حيرة الوجه وذبولة
صاحبي صاحبك يكبر ولازال
يعشق الليل واحلام الطفولة
في ثنايا قصيده قمت تختال
كنك تعلمه باللي يقولة
