حزن هالمكان وعطر ذكراك
أمل وانتظارات .. و مواني
سلامات .. يا عمرٍ بليّاك
يعاني و من كثره يعاني ؟
اذا ( العندليب ) يغنّي «أهواك»
بكى قلب ،، وارتعشت محاني
أحبك ، ولاني قادر انساك
و مدري لـ دربك وش خذاني
أعيش العمُر .. وانا آتمناك
ولا اعيش .. مكتوف الأماني
أبلقاك .. قل لي وين لقياك ؟
تراني على خبرك .. ( تراني
مثل : ما أنا ) عاشق و شكّاك
يحاسبك عن خمسة ثواني
إلى آخر الليل .. انتظرناك
ولا بانت عيونك عــشاني
حبيبي .. أبي شـ الحلّ وياك
تعذبت أشوفك شخص ثاني
هنا كنت إنت و لكن هناك
تغيّرت ،، منت الأولاني !
سلطان حمود
