مقامات

جيتك ملامح  ..  تجهم منتحي بستريح
ولقيتني في ركن عينك هدب واغتراب
ماقلت لك عن دموعك لو تصب وتسيح
يا أحلامي اللي تموت وساقها لي غياب
غنيتي  و إرتخالك  خافقً  لك  فسيح
وشديتني في خيالك للمطر والسحاب
تلعثم  الثغر   نفحه  و المدارك تبيح
عما يجوب المعاني من صميم الجواب
أخطيت ياخي تبلسم في صميم الجريح
واشره على اللي تبسم باللغاء والعتاب
ان طحت من خنجرك وان قمت شفني طريح
مدامك الي بصدري جرح نزف وصواب
افنيت كل الحكي والصمت هجر وضريح
عن مايشوب السريره لاقتفيت السراب
البؤس  جرمً  يهد الروح نزف و يزيح
وأنا لك الله وقوفي بين ستر وحجاب
جيتك ملامح  ..  تجهم منتحي بستريح
ولقيتني في ركن عينك هدب واغتراب!