الليلة الليلة مشاويري بعيد
الله يوصلني صباح السلامة
مافات جعل ايامه الحلوة تعيد
والمقبل الله عالمٍ وش مقامه
اقفيت عن ضوضا المدن والتغاريد
على محيا هالطريق وظلامه
على رجا لقيا النشاما هل الصيد
شواهدٍ للطيب وجه وكرامة
كم لي عن اصحاب الوفاء والمواعيد
كانت تسوي ماتسوي النعامة
كم قدروا غيبات من شره العيد
غيبة وغربة تدرق بأبتسامه
كم غايبٍ عنهم من اغيابه يزيد
كثر التفاتة وجه تحمل سلامه
ياما اربطوا نسيان الاصحاب بالقيد
وياما ارتسم للشوق فيهم علامة
وكم بان فيهم بالموادع تجاعيد
وكم ابرقت عند الموادع غمامة
بوداعة الله وان سبقنا المواعيد
عسى اللقا الجنة بيوم القيامة
