ماعاد لي ياحمام الورق شرهه عليك
تعبت أناجيك ماعينت قطرة رجـا
ماخلتني يوم أجر الصوت عندك وأجيك
ليلي تناهيد وأيامي سماها دجــا
ليتك تذكرت لحظات الليالي هذيك
يومي أنا وأنت في غصن الغرام سرجا
تسجع وأنا أسامرك وأداعبك وأشتكيك
واليوم دونك بحر والليل فوقك سجى
تعبت ياساتل الجنحان وأنا أحتريك
لا البال سالي ولا صاحبك عقبك نجا
خيبت ظن الرجا وهقوات من يرتجيك
رح يانديم المعنى خاب من بك لجـا
إرحل عسى من بلاني بخوتك يبتليك
روضٍ يعافك ونبنوبٍ عليك يهجــا
طلب الرداد
