أبكتب اسمك على كلّ الشجر و الزجاج
حتى على الظلّ و الما و الصور و الهجير !
وأقول أحبّك بصوت ٍ يشبه الإبتهاج
لو كان حتى الصدى يرجع لصوتي كسير !
أنا بضيع أمسك يديني يدينك سراج
لا تترك الليل يجرفني معه للأخير
بيني وبينك مسافات و زمان و سياج
لكنّ ما غيرك لباقي سنيني خشير
انت السما و المشارق لحظة الانبلاج
وأنت الهوا و الطيور اللي بصبحي تطير
إختارني لو مصيرك قرّر الإحتجاج
محتاج أكون اختيارك رغم راي المصير