لوبتسأل
كل أخباري تمام
طيّبة وحيّة وأرزق
والشمس للحين تشرق
ولو هي غابت مابتفرق
نورها بغياب وجهك
ساوي في عيني الظلام
لاتحاتي
خافقي مازال ينبض
يدفع الدم ويقاوم ماتغير
لونه زي ماهوأبيض
حالته زي الأوادم
مرة زين ومرة يمرض
وفي بعض أحيان يسرق
لحظة الغفلة وينام
لو بتسأل عن قصيدي
هو .. بروحي
والحياة اللي بتسري في وريدي
وفيك أكتب ..ودايم بإسمك أغني
في قديمي وف جديدي
وأنثر شعوري كلام
لاتحاتي هالعمر دايم يسير
ولو نعاند
كلنا لنفس المصير
ولو هو عدا من بيردّه
منهو عاشه مرتين
أو سرق من عمر غيره يوم واحد
هيّ عيشة والسلام