البارحة مات في حظـن الكـلام العتـب
تمكّن الشكّ من ذبـح الشعـور اليقيـن
حديث الأرواح بعيون القلـوب إنكتـب
على ضفاف الجراح اللي نستها السنين
اللي مفارق ماهو محتاج عـذر وسبـب
أشرّه على اللّي يهزّه فـ/ الغياب الحنين
الحبّ وحده يدلّي لـك غصـون العنـب
الحبّ ضعفي وأنا سيد الكـلام الرزيـن
عرّضت صدري من الضيقة لصدر المهب
أبيه يقطف بقايـا ضحكـة الياسميـن
كتبت ياما كلام مـن الزعـل وإنشطـب
خفت القصايد تموت بزحمـة العابريـن
أحيان الأنسان يختار الطريـق الصّعـب
أحيان تستدرج الذكرى الشعور الحزيـن
يا غيمة الحلم ما بلّ الحضـور الجـدب
ولا طرى لك على كثر الضمى تمطريـن
البارحة بعتّ فضّة وإشتريـت الذّهـب
البارح الصمت كان أبلـغ كـلامٍ ثميـن
نواف التركي
