في [ تضاريس الحياة أكثر تفاصيل الكتابه
يا تضاريس الحياة أحتاج انا بعض الرحابة
مدي لوصلي .. كفوف الغيم .. قطرات المُنى
يا تفاصيل الهنا
هذا أنا
الزمن هذا « شحيح » بكل شي
مد لي كف الوصال وقال : « عي »
ليه أعيي
يازمن شفني عصيت
يازمن دورت زيي
مالقيت
لن أجد مثلي دخيلك ماحييت
يازمن تدري وش الفرق [ الكبير
بيني وبين النجاه
كلنا تفسير واحد
بس
عكس الأتجاه
يازمن مريت فيها عابر أحتاج لمؤنه
طحت دونه
أنتشلت الصدق .. من قلب الظروف
ومرت الأيام خوف .. يزف خوف
ولجل تمشي بالحياة
تسوي نفسك ماتشوف
الحياة أحيان .. ماتعطيك شي
هذا لا يعني بإنك غير حي
الحياة انك تنفس
بعد كبت
الحياة انك تأثر
لا كتبت
الحياة أنك قبل لا ترتكبها
تعرف شلون أُرتُكِبت
الحياة أن بغيابك
تعرف أكثر ليه غبت
الحياة تعيش فيها تجربتها
حتى لو أنك رسبت
الحياة يموت سبت
وتنتظر
ويجيك سبت
بإختصار ..!!
ناجي الطرقي
