ألا يا وطن لاقلت عزّاه
أباقرالك السبع المثاني
ألا ياوطن لو ضامتك..آه
فداياك هالعوج المحاني
وش اللي جهلنا ماعرفناه
وش اللي غدت فيه الثواني
وش اللي كتبنا ماقريناه
وش اللي وراذيك المعاني
ألا ياوطن حلمٍ رسمناه
نبي منك تحقيق الأماني
طريقٍ مشيناه ووصلناه
وكلٍ يقول أنه دعاني
ولوهو علي المتن شلناه
نشيل الهقاوي بك سماني
لايرجع مثل دمعٍ ذرفناه
نبي معك نتبادل تهاني
ألا ياوطن والضيم ذقناه
علي شان عينك كم نعاني
مجرد فراقك ماقويناه
ولانطيع بك قاصي وداني
ألا ياوطن ماشفت حلياه
ولايشبهك بالكون ثاني
بديعٍ فريدٍ في مزاياه
مهي مْبالغة : درة زماني
أيا موطني كلٍ تمناه
من أوّل مـ كان الماء بسواني
بك العز يابلادي لقيناه
وغنّى بك المجد الأغاني
وتبقي بلدنا اللي عشقناه
وتبقي لنا والعمر فاني
ولك عاشقٍ جالك من أقصاه
يرقّيك بالسبع المثاني
صالح مصلح الحربي
